Beste behin ere, Lazkaoko Beneditarren Fundazioak Ondarearen Europako Jardunaldietan parte hartuko du eta bisita gidatuak egingo ditu bere funtsak erakusteko.
Funts horiek dohaintza bidez iritsi dira zentrora, eta haien jatorria anitza da. Hori guztia ezagutuko dugu bisitetan: gure zentroan dauden funtsak, horiek nondik-nora iritsi diren, eta ondarearen bilketarako, besteak beste, zer nolako truke-sarea osatu dugun. Harremanek eta elkar-trukeek, oro har, gure ondarea nola aberastu duten ikusiko dugu.
Bisita egunak eta orduak:
- Urriak 4, ostirala, 18:30-20:00 (gazteleraz).
- Urriak 5, larunbata, 11:30-13:00 (euskaraz).
Plazak mugatuak direnez, aurretik izena eman behar da, 943888781 telefonora deituta edo lbf@lbf.eus helbide elektronikora idatzita.